焗豬排

由於廚房太細只能買一個細焗爐,都可以止主渴先,2011年12月4日,今天幫焗爐剪綵,在大少爺協助下焗了洋蔥豬排,第一次使用此焗燼爐,還未能掌握火喉,焗得稍為乾。

終於收樓啦

等左咁多個月, 終於第一次以業主身份入曰出, 心情真係好唔同, 首先要感謝方議員同徐先生既幫助跟進收樓事宜! 亦好希望其他領峰業主可以盡快收樓, 早曰安頓下來。層樓個海景的確係唔錯, 又好開揚, 首都天台個隻鷹好似想飛過來, 向下望都唔未係好習慣, 至於室內裝修, 最有驚喜係地磚,無明顯缺裂, 出奇咁水平, 值得讚! 其他裝修特別係個浴室的確係唔錯! 有讚就有彈 - 首先係個窗台29吋闊到唔合比例, D房睇落細左好多! 地腳線足足有成吋咁厚, 個廳已經唔夠十呎闊, 頭尾仲要比佢扣多2吋! 再來就係大廳同房間牆身有幾處大面積鬆批盪, 真係唔係好掂! 跟住就係一D古怪"設計" - 細房右邊有一段縮窄窗台, 真係唔知個設計師想我放咩野? 大廳冷氣機位天花線又少左一段;坐厠水箱右邊又開左個極度"騎呢"放水口; 廚房隻窗收得好入, 幾乎要爬上枱先開到; 個抽氣扇條喉條條fing要用D方法收收佢無咁礙眼,整體上我都覺得算係合格, 75分啦 。