瓷畫

大少早前有緣買得心經瓷板畫, 原本想搵師傅裝上客廳主牆, 因為瓷板畫大面積有成幾十磅重, 想裝得盡量水平平衡, 三思之後決定自己搵料出手裝作 ….. 雖然係小製作,但對大少嚟個住家男來講, 要一手一腳搞得好好睇睇, 就真係大工程,去了鴨寮街收集合適鋼螺絲, 入牆膠條, 石屎鑽頭, 電鑽, 13A拖頭插, 鎚仔, 曲尺, 水平尺, 鉛筆 ….. 用咗半個鐘度牆定位, 準備裝上去 ….. 跟住大少就親自幫佢開光,瓷板畫裝上後,感覺客廳焕然一新,不禁要樹起大拇指讚大少一番,因瓷板畫裝得很平衡及穩固。